Breaking

بعد حملة الاستهزاء التي طالت إضراب البنكاجية ، مريم النجار الناشطة السياسية و المنتمية للقطاع ترد بقوة

بعد حملة الاستهزاء التي طالت إضراب  البنكاجية ،  مريم النجار الناشطة السياسية و المنتمية للقطاع ترد بقوة وفيما يلي نص التدوينة :


نقرا في ستاتيات مالبارح علي إضراب القطاع البنكي ، اكتشفت قدّاش فما نسبة هامة  من  الشعب حاقد و ناقم على البنكاجية !!!
انت متعرفش اللي البنكاجية  يخدمو في أكثر من 8 سوايع  انت في بالك نسكرو  16h:00 و نروحو  شايخين هههههه لا يا سيدي نحب نعلمك اللي ماعناش وقت  محدد للمرواح و خاصة الفروع ينجم يكملو مع الثمانية و حتي العشرة ... و حتي ايامات العطل ينجم يخدم .
انت متعرفش انك كيف تجي تاخذ  كونجي  لازمك تقدموا قبل بشهر و شوف تنجم تاخذو كامل و إلا لا، البنكاجي  موش خالط يقعد وقت كافي مع صغارو و دارو   .
البنكاجية وقت انت راقد في الدار  في الحجر الشامل هوما يخدمو و معرضين عايلاتهم  للخطر باش يخدمو اللي كيفك. 
 البنكاجية نهار كل حازقين  رواحهم  كيف ما  تقول انت 6/12 و صارفين  على مظهرهم  باش يفرحوا  بسيادتك  أما هو فد  الحقيقة مالحزقة يتمنى يكون حر كيفك و يلبس اللي يحب.

البنكاجية يعيشوا في ستراس  كبير من أول سيادتك  تجي تحل حساب بنكي حتى تاخذ كريدي و من بعد تقلب البانكة  في الكريدي و برا  عاد اش  يفضها في المحاكم 
الضغط النفسي اللي يعيشو البنكاجي انت متنجمش تعيشو  خاطرو  هو عبارة على عساس  على رزق غيرو و الزلقة بفلقة    ديما على أعصابو من الوضعية الداخلية  بكلها  اللي انت متعرفهاش  و متنجمش  تتصورها 


البنكاجية اللي فيبالكم  شايخين بالقروضات  و بلاش فوائض نحب نقلك يا سيدي رانا نخلصو  الفوائض  و كيف نموتو كان assurance متخلصش البانكا  يفكولنا  ديارنا  اللي شارينها  بالكريديات  و يبعوها  باش يخلصو  في صورة العايلة متخلصش،  و كيف نمرضو  و ندخلو  الكلينيكات  كيف متقولو  و نفوتو  قدرتنا  في خلاص المصاريف ندخلو  في الروج  كيفكم و كان قمنا  لاباس نخلصوهم  و كان متنا  زادة عايلاتنا  تخلصهم  .

و حاجة أخرى انت اللي قاعد في بيرو  و تخدم في خدمة وحدة و مش عاجبك ونهار كل فاصع،  البنكاجية يخدمو في خدمتهم وخدمة  زوز و ثلاثة آخرين باش المركب تسير و الاقتصاد ما يطيحش و ديما يصبرو  في رواحهم  اللي غدوة خير. (ما ننكرش عنا امتيازات و لكن الريسك و الستراس أقوي )
البنكاجية معادش خدمة الفيس  رد بالك تغلط البنكاجية ولات خدمة الشعب العياش 

Post a Comment

أحدث أقدم